Processam membro de Siareir@s Galeg@s acusado dos dos danos causados pola polícia no Galiza-Equador

A próxima terça-feira 15 de Maio Diego Bernal, membro da Assembleia de Siareir@s Galeg@s na Corunha, declarará em qualidade de imputado nos Julgados da Corunha, acusado dos danos provocados pola carga policial do 28 de Dezembro do ano passado, nas horas prévias ao Galiza-Equador que se desputou no Estádio de Riazor.

Recordemos que a polícia espanhola de choque interviu violentamente e de forma injustificada no curso da manifestaçom nacional convocada por Siareir@s Galeg@s com a legenda "Galiza, mais do que um jogo", e que reuniu 2000 pessoas na Corunha. A carga policial produciu-se ao passo da mobilizaçom por diante da bandeira espanhola gigante do Passeio do Orçám, lugar polo que a manifestaçom foi desviada pola Delegaçom do Governo espanhol, num clara provocaçom ao colectivo.

Agora nom satisfeitos com impedir o normal desenvolvimento da manifestaçom e após contusionar a dezenas de jovens na carga, enfrontaremos com toda probabilidade a um julgamento no que tentaram culpabilizar a um companheiro dos danos provocados pola incompetência e a violência policial, simplesmente por ter participado numha rolda de imprensa e ter assinado um artigo de opiniom denunciando os factos.

De Siareir@s Galeg@s mostramos toda a solidariedade com Diego Bernal e anunciamos que nom permitiremos nengum julgamento-farsa que unicamente tem como objectivo punir a auto-organizaçom juvenil. Assim convocamos umha concentraçom de apoio ao Diego nas portas do julgado a terça-feira dia 15 de Maio às 9h00.