Siareir@s Galeg@s perante o passo de “La Vuelta” por Galiza

Agosto de 2007

Siareir@s Galeg@s, colectivo implicado desde há anos na defesa do desporto nacional, quer mostrar a sua repulsa ante o passo da "Vuelta" ciclista espanhola por geografia galega assim como o apoio financieiro e institucional à ronda por parte da Junta de Galiza.

O que para uns é um outra forma de procurar melhor encaixe da Galiza no Estado espanhol ou umha oportunidade para "vender pais", para o nosso colectivo e umha boa parte da populaçom galega, nom é mais que umha outra prova da negaçom da Galiza como naçom e mais um importante passo cara atrás na linha de potenciaçom do nosso desporto.

Mentras o desporto de base esmorece por falta de investimentos e existe umha mui deficiente apoio aos referentes desportivos nacionais, é intolerável que a Junta da Galiza esbanje dinheiro público e esforços em trazer à Galiza esta decadente prova ciclista espanhola, que longe de aportar qualquer cousa ao desporto galego insiste em colocar a atençom no desporto-espetáculo e a propaganda espanholista.

Siareir@s Galeg@s exigirá explicaçons à Conselheria e a Secretaria Geral de Desportos, e pedirá um maior compromisso com a Volta a Galiza, um projecto totalmente abandonado, e com o ciclismo de base, ao que deve destinar a Conselheria o seu dinheiro e tempo, fomentando a formaçom desportiva e pessoal d@s noss@s jovens, assim como uns valores muito distintos aos do desporto espectáculo que desumaniza ao desportista para covertí-lo em home ou mulher anúncio e muitas outras vezes drogado para maratonianas jornadas onde poder ser produto rentável.

Siareir@s Galeg@s será firme na sua defesa dos interesses nacionais no eido desportivo e amosará a sua mais firme repulsa ao passo da prova espanhola pola Galiza.