Nova mostra do carácter anti-democrático da legislaçom desportiva espanhola

Setembro de 2007

Neste mês de Setembro a Federaçom Espanhola de Futebol, por 18 votos em contra frente a 3 a favor e outras 3 abstençons, rejeitava autorizar a celebraçom do jogo amigável Catalunha-Estados Unidos, previsto para o vindouro 14 de Outubro na capital catalá.

A decisom gerou umha rápida resposta no Principat, com protestos da própria Federaçom Catalá de Futebol, da Generalitat ou de clubes e dirigentes destacados do futebol catalám. É de destacar a campanha de protesto iniciada pola Plataforma Proseleccións Esportives Catalanes, pedindo um envio massivo de cartas ao Presidente da RFEF, Ángel María Villar; atingindo até o momento mais de 10000 cartas ou correios electrónicos de protesto.

A excusa da Federaçom Espanhola de Futebol para vetar este amigável é que coincide com datas oficiais da FIFA para jogos internacionais, de facto o dia anterior a selecçom espanhola joga contra Dinamarca. Mas há um compromiso da FCF para nom convocar futebolistas seleccionados pola selecçom espanhola e, aliás, nom é a primeira vez que um jogo amigável da Catalunha coincide com datas oficiais da FIFA, o ano passado o Catalunha-Euskadi desputado o 8 de Outubro também coincidiu com estas.

Por tanto, de Siareir@s Galeg@s achamos que só podem ser motivaçons políticas as que levam à corrupta FEF à vetar esta partida internacional da selecçom catalá. Molesta que Catalunha jogue os mesmos dias que o vai fazer a selecçom espanhola e molesta que a Federaçom Catalá de Futebol nom organice os jogos anuais do combinado catalám no Natal, como as demais selecçons "autonómicas". Molesta, em fim, todo o que faga visível o carácter nacional da Catalunha.

Novas relacionadas,
· Governo espanhol empenhado em impedir participaçom internacional das selecçons desportivas ..+
· Governo espanhol empenhado em impedir participaçom internacional das selecçons desportivas ..+