Siareir@s Galeg@s ante a chamada "guerra das camisolas"

Setembro de 2007

O passado dia 19 de Setembro puidemos assistir ao desfile de camisolas polo Congresso espanhol com o galho do debate de duas propostas de CIU e ERC pola oficialidade e reconhecimento internacional das selecçons nacionais e a derogaçom de qualquer medida disciplinar com os desportistas que objectem jogar com a selecçom espanhola. Nada tirárom em limpo, mais aló do próprio desfile de camisolas e foto posterior na entrada do Congresso, os grupos parlamentários "nacionalistas". E é que quando nom existe vontade política real para superar conflictos, apenas nos fica a foto depois do dever cumprido.

Assim como era de esperar, o espanholismo de PSOE-PP fixérom a suma aritmética de escanos para tumbar a ilussom dos povos e dos milheiros de pessoas que desejam ver as suas selecçons competir internacionalmente. Pouco importa logo o que pensemos bascos, catalans e galegos se já se encarregam outros de decidir por nós.

De Siareir@s Galeg@s pulamos por superar o marco espanhol que umha e outra vez impede e impedirá a oficialidade das nossas selecçons, e exigimos à classe política galega que se realmente tem vontade de superar o marco actual, dê passos ao frente, como outras naçons estám a fazer, e deixem de viver na ambigüidade; saindo na foto por umha banda e por outra subvencionando e promocinando os jogos das selecçons espanholas no nosso País (como recentemente com a de basquete e futebol de salom) e apadrinando eventos como "La Vuelta", que nom som outra cousa que a própria negaçom de nós mesmos.

Siareir@s Galeg@s nom vamos aguardar impassíveis a que isto aconteça de novo e continuaremos trabalhando desde a base e desde a organizaçom popular para seguer dando passos ao frente, que ainda que pequenos, serám firmes, no caminho para o reconhecimento do nosso País e a possibilidade de competir internacionalmente com as nossas próprias selecçons desportivas.

Umha Naçom, Umha Selecçom!!!