Siareir@s Galeg@s ante a estreia da selecçom galega de futebol feminina

Novembro de 2007

Ante a convocatória do primeiro jogo da selecçom feminina de futebol, que debutará o próximo 27 de Dezembro frente Catalunha no Estádio de Balaidos, em Vigo, Siareir@s Galeg@s quer manifestar:

1.- A criaçom da equipa feminina de futebol, apesar de que seja para desputar um jogo amigável pola falta de vontade institucional para caminhar cara a oficialidade, é sem dúvida umha boa notícia que Siareir@s Galeg@s sauda e valora positivamente.

2.- Com esta convocatória a Secretaria Geral para o Desporto da Junta da Galiza salda umha dívida histórica com o desporto galego em geral, e com as mulheres desportistas em particular. Nom era de recibo que após dous anos da recuperaçom da selecçom masculina, as mulheres continuaram condenadas ao ostracismo e nom se realizaram os esforços necessários para efectivizar esta convocatória.

3.- Ainda valorando o passo adiante que significa esta convocatória, nom concordamos que o jogo das mulheres seja apresentado como um aperitivo do posterior Galiza-Camarons, que desputará a selecçom masculina.

Entendemos que o que procurava a Secretaria Geral para o Desporto colocando umhas horas antes o Galiza-Catalunha é incluir na programaçom do que é a grande jornada do desporto galego, a estreia da selecçom feminina, mas de Siareir@s Galeg@s tememos que o efecto vai ser o contrário, o jogo da equipa masculina fagocitará o jogo da selecçom feminina.

4.- Ainda assim, e apesar de que o Galiza-Catalunha coincidiria com a já tradicional mobilizaçom nacional que Siareir@s Galeg@s convoca em defesa da oficialidade para as selecçons galegas, faremos o possível por promocionar a assitência ao jogo e anunciamos que, apesar das dificuldades técnicas suporá ao colectivo, modificaremos os actos previstos para que encaixem com os horários desta histórica estreia.

5.- Como nom podia ser doutra maneira, Siareir@s Galeg@s estará com as selecçons nacionais para demonstrar o avanço imparável das nossas reivindicaçons e da vontade, cada vez mais extendida entre o povo galego, de caminhar de forma efectiva cara a oficialidade.