Jogo da selecçom galega feminina em Ourense e MANIFESTO DAS SIAREIRAS GALEGAS NO 26 DE DEZEMBRO
A
selecçom galega de futsal ou futebol de salom vai disputar em Ourense o
Campionato de Espanha, polo que de novo voltamos a exigir o direito de Galiza a
desputar competiçons internacionais.
Devemos
lembrar que as jogadoras galegas acadaron o sub-campionato no Mundial de Futebol de Salom,
celebrado em Reus em outubro de 2008, onde participarom umha dúzia de naçons e
estados europeus, oceánicos ou americanos. (podedes ver o recebemento realizado
por siareir@s galeg@s
às jogadoras na seguinte ligaçom http://www.youtube.com/watch?v=5CTwRdlwlMs&feature=player_embedded)
Pois
de novo a nossa selecçom tem que desputar um torneio nom internacional que
enfronte em igualdade de condiçons Galiza com equipas de outras naçons.
Também
temos que denunciar a ocultaçom tanto dos meios como das administraçons da
participaçom de Galiza. Parece que quando se trata de desporto galego e
feminino, nom existe nengum tipo de interesse por mostrá-lo. Por isso, queremos
desde aqui por um lado, reclamar o apoio às nossas jogadoras e por outro exigir
a oficialidade das nossas selecçons.
Os
horários dos jogos a desputar por Galiza no Pavilhom dos Remédios de Ourense
som:
8
de janeiro, sexta-feira, às 12h00
9
de janeiro, sábado, as 12h00
9 de janeiro, sabado, as 12h00
Aproveitamos tambem para reproducir o manifesto
ao que dou lectura Veronica Boquete o dia 26 dentro da jornada polas seleccçons
galegas e um video do mesmo.
MANIFESTO DAS SIAREIRAS GALEGAS NO
26 DE DEZEMBRO
Hoje,
mália todo, as mulheres seguimos em pé.
É
umha frustraçom que este Natal nom joguemos. É umha agresom contra as mulheres
galegas por parte de um governo reaccionário. Está si que é umha decisom
política, contra as deportistas e contra as siareiras. Contra Galiza.
Mas
nom vam conseguir paralisar-nos. As jogadoras galegas estamos dispostas a
pelejar contra o rol que nos impóm o patriarcado. Somos nadadoras, ciclistas,
paladoras, atletas, piragüistas, yudokas, remeiras, futbolistas… Por isso
estamos aquí. Somos mais de 225.000 federadas dispostas a da-lo todo por
competir em condiçons dignas:
Estamos
fartas da dobre discriminaçom à que somos submetidas, como mulheres e como
galegas. Temos direito a competir e ser igualmente valoradas polos meios de
comunicaçom, a criar referentes femininos fortes e capaces, a que os patrocinadores
também nos apoiem a nós, a receber premios e salários equivalentes aos dos
nossos companheiros. A dia de hoje as condiçons vetam as escasas possibilidades
de chegar a ser deportista profissional.
A
quem diga que as mulheres nom podemos, que venha por todos os campos nos que
adestramos, com disciplina e entusiasmo, isso si, nos piores horarios e nos
piores vestiarios.
Mas
os adestramentos nom seram em balde, cada patada é um golpe para destronar a
supremacía masculina. Porque nós também sudamos a camisola e também jogamos
bonito.
Desde
logo nom poder ter hoje um jogo da selecçom feminina nom significa que
estejamos dispostas a recuar. Nos dous últimos anos formarom-se 24 equipas de
futebol de mulheres senior na Galiza, e cada vez som mais nenas as que comezam
a golpear o balóm. Desde que a equipa feminina jogava no Natal, o número de
licenças federativas e de clubs femininos multiplicarom-se por tres, e iso nom
é casual. Conseguiu-se romper prejuízos. Conseguiu-se criar ilusons em centos
de nenas. Visibilizar as possibilidades, romper os clixés. Por isso, que nom
haja partido desta vez, afecta-nos especialmente às mulheres. E por isso também
imos pelejar com mais raiva e com mais determinaçom. Nom nos jogamos um título,
jogamo-nos todos. Todos os encontros internacionais e muitos partidos nos
bairros.
As
jogadoras galegas também desputaremos este jogo aqui em Santa Isabel, sem o
apoio da federeción mas co esforzo do próprio povo e de os siareiros e
siareiras galegas que enchem as gradas e os campos e nom pararemos até que
todas as deportistas do país poidam competir em igualdade de condiçons que os
homes. Nem até que as milhores poidam levar, oficialmente, as cores da nossa
selecçom nacional.
Ganharemos por goleada ao machismo!
Ganharemos por goleada aos que nos
queiram calar!
Ligaçom no youtube ao manifesto:
