Homenagem popular a Nacho

Dezembro de 2005

Siareir@s Galeg@s realizará umha homenagem popular a Nacho, ex-jogador do Celta e do Compostela, que consistirá na entrega dumha figura cumha placa na que o coletivo reconhecerá o compromisso deste desportista com os direitos da Galiza no terreno desportivo e com a criaçom da nossa selecçom.

Num princípio a intençom do Siareir@s Galeg@s era realizar a homenagem antes do início do jogo Galiza-Uruguai, com o Estádio de Sam Láçaro cheio e com as cámaras de televissom como testemunhas. Mas a negativa da Direcçom Geral de Desportos a colaborar na homenágem, simplesmente concedendo a autorizaçom correspondente, obrigou-nos a transladar o acto ao concerto que terá lugar umha vez remate o jogo.

De Siareir@s Galeg@s consideramos que este é um acto de justiza com um desportista que arriscou a sua carreira professional polo seu compromisso com a criaçom da selecçom galega, desafiando a Lei do Desporto que obriga aos/às futebolistas galeg@s a participar nas equipas espanholas se som requerid@s.

O seu compromisso e o desafio a umha Lei anti-democrática que nega ao nosso povo a possibilidade de contar com selecçons próprias, costou-lhe umha dura campanha contra a sua pessoa por parte dos médios de comunicaçom espanhois assim como um enfrentamento com as instituiçons desportivas autonómicas, especialmente a Junta e a Federación Gallega de Futbol, que ainda agora, apesar da muda da cor do governo, teimam em fazer-lhe pagar o seu posicionamento. Tal é assim que os novos gestores da Junta negam umha merecida homenágem ao desportista e inclusso cedem as pressons da espanholista Federacion Gallega, e vetam a sua participaçom sob algumha fórmula no debut da nossa selecçom.

De Siareir@s Galeg@s fazemos um chamamento a assistir a este homenagem popular que terá lugar arredos das 00h30 da noite do dia 29 de Dezembro diante do Palácio de Congressos de Compostela