Siareir@s Galeg@s converteu-se numha referência no Sam Lázaro

Dezembro de 2005

Após a manifestaçom que reuniu, apesar da intensa chuva, mais de 1500 pessoas, Siareir@s Galeg@s foi aos poucos ocupando a bancada asignada no centro do Fundo Sul do Estádio de Sam Láçaro, flanqueada por duas faixas de 20 metros cada umha com as palavras de ordem "umha naçom, umha selecçom" e "Siareir@s Galeg@s" respectivamente.

As portas das entradas que tínhamos que utilizar @s sóci@s de Siareir@s Galeg@s estavam inçadas de polícias de choque espanhóis que figérom alarde da violência contra vári@s jovens que queriam aceder o Estádio, com cacheios nada arbitrários e porraços e golpes contra @s que oussavam protestar. @s Siareir@s respostarom à violência policial com consignas contra as forças de ocupaçom.

Foi precisamente este inecessário despregamento policial o que demorou a entrada no Fundo Sul e provocou importantes aglomeraçons nas portas de acesso.

Já dentro do estádio o Fundo Sul vibrou com a saída da nossa selecçom e o canto do hino nacional. O início do histórico jogo foi acompanhado com o despregamento dumha faixa gigante onde se lia "Adiante Galiza" e os primeiros minutos com numerosas bengalas que esquentárom o ambiente do choque.

Durante todo o jogo a bancada nom deixou nem um minuto de corear palavras de ordem e animar a nossa selecçom com umha torcida à altura da transcendência deste histórico Galiza-Uruguai.

Mas o Galiza-Uruguai era evidentemente mais que um jogo. O dia 29 de Dezembro às 21h00 culminava para Siareir@s Galeg@s e outras organizaçons populares, umha etapa de reivindicaçons que duravam já demasiado. Que as diferentes federaçons programassem debuts de selecçons murcianas nom podia empanhar que este jogo foi um acto de reafirmaçom nacional. Assim durante os 90 minutos nom deixárom de ouvir-se também palavras de orde tais como "Fraga cabrom já temos selecçom", "Galiza ceive, poder popular", "espanhol o que nom bote" e "Independência".

Deixamos para outr@s as crónicas desportivas do jogo e da vitória da Galiza. Para nós fica a confirmaçom de Siareir@s Galeg@s como a claque da nossa selecçom.