Anúnciam criaçom das selecçons femininas de andebol e baloncesto

A Conselheria de Cultura e Desporto da Junta de Galiza vem de anunciar a craiçom de duas novas selecçons, a de baloncesto e andebol femino. A criaçom destas duas novas equipas é parte do plano institucional para a potenciaçom do desporto galego feminino que segundo a responsável da Conselheria é claramente desfavorável a respeito do masculino.

Além da posta em andamento das selecçons de andebol e baloncesto o plano inclue um incremento do 15% das ajudas a clubes femininos de categoria estatal, umha reforma do programa de desporto escolar para potenciar a criaçom de equipas mixtas e medidas para igual os prémios em metálico para homes e mulheres.

De Siareir@s Galeg@s consideramos que estamos ante duas boas novas, enquanto que supom um novo impulsionamento na criaçom de selecçons galegas e do desporto feminino em particular. Siareir@s Galeg@s consideramos fundamentais e saudamos estas e outras medidas encaminhadas a erradicar o machismo do desporto e a rematar com a clara inferioridade das mulheres frente aos homes no que se refire à atençom mediática e institucional das competiçons e clubes femininos.